Misirin Giza vilayətinin Kirdase rayonunda yaşayış binası çöküb.
"Operativ Məlumat Mərkəzi-OMM" xəbər verir ki, bu barədə Misir Səhiyyə Nazirliyi məlumat yayıb.
Binanın uçması nəticəsində 10 nəfər ölüb, 3 nəfər yaralanıb.
Yaralılar dərhal şəhərdəki xəstəxanaya yerləşdirilib.
Səlahiyyətlilər dağıntıların çıxarılması işlərinin davam etdiyini və yaralananların olması ehtimalı ilə bağlı axtarışların davam etdiyini bildirib.
Binanın hansı səbəbdən uçması ilə bağlı araşdırılma aparılır.
