Rusiya prezidenti Vladimir Putinin oktyabrın 8-9-da Tacikistana dövlət səfəri zamanı bir sıra dövlətlərarası və hökumətlərarası sənədlərin imzalanması planlaşdırılır.
"Operativ Məlumat Mərkəzi-OMM xəbər verir ki, bu barədə Tacikistan Respublikasının Xarici İşlər Nazirliyi məlumat yayıb.
"Rusiya Prezidenti Vladimir Vladimiroviç Putin oktyabrın 8-9-da Tacikistan Respublikasına dövlət səfəri edəcək. Səfər çərçivəsində İsmayıl Somoninin abidəsi önünə əklil qoyma mərasimi, təkbətək və geniş tərkibdə danışıqlar, bir sıra dövlətlərarası və hökumətlərarası sənədlərin imzalanması nəzərdə tutulub", - Xarici İşlər Nazirliyinin saytında yerləşdirilən məlumatda deyilir.
Danışıqlardan sonra Tacikistan və Rusiya liderləri arasında mətbuat konfransı keçiriləcək.
