OMM Redaksiyası
Portuqaliya Futbol Federasiyası Kriştiano Ronaldu milli komandadakı karyerasını başa vurduğunu açıqladıqdan sonra futbolçu üçün təntənəli vida mərasimi təşkil etməyi planlaşdırdığını bildirib.
Federasiyanın bəyanatında 40 yaşlı kapitana ölkəyə xidmətinə görə təşəkkür edilib. Qurum Ronalduya Portuqaliya millisinin ruhunun simvolu, nümunəvi lider və gənclərə ilham verən futbolçu kimi qiymət verib.
Ronaldu Portuqaliya millisində 234 matç keçirib və 146 qol vurub. Federasiyanın sözlərinə görə, onun beynəlxalq karyerası ərzindəki nailiyyətləri Portuqaliya futbolunun tarixinə həkk olunacaq.
Qurum bildirib ki, futbolçunun karyerasına layiq vida mərasimi hazırlamaq və keçirmək niyyətindədir, tədbirin təşkilində birbaşa iştirak edəcək və ona hərtərəfli dəstək göstərəcək. Mərasimdə azarkeşlər və ölkə ictimaiyyəti Ronalduya təşəkkür etmək imkanı əldə edəcəklər.
