“Portu” “Eştoril”i 4:0 hesabı ilə məğlub etdi

Portuqaliya çempionatının 10-cu turunda “Portu” “Eştoril”i qəbul edib. Oktyabrın 31-də keçirilən görüş meydan sahiblərinin 4:0 hesablı qələbəsi ilə başa çatıb.

Qalib komandanın heyətində Viktor Froholdt, Borxa Sainz, Andre Silva və Qabriel Veiqa hərəyə bir qol vurublar.

“Portu” çempionata ardıcıl 10-cu qələbəsini qazanıb. Komanda 30 xalla turnir cədvəlinə başçılıq edir. İki xalı olan “Eştoril” sonuncu pillədə qərarlaşıb.