Avropa İttifaqının (Aİ) xarici işlər və təhlükəsizlik siyasəti üzrə ali nümayəndəsi Kaya Kallas şəxsi söhbətlərində Avropa Komissiyasının sədri Ursula fon der Lyayen barədə kəskin fikirlər səsləndirib.
"Operativ Məlumat Mərkəzi-OMM" "Politico" nəşrinə istinadən xəbər verir ki, Kallas həmkarını qeyri-rəsmi mühitdə "diktator" adlandırır.
Mənbə qeyd edir ki, Kallas fon der Lyayenin idarəçilik üslubundan narazıdır, lakin mövcud iyerarxiyada bu vəziyyəti dəyişmək üçün imkanları məhduddur.
Nəşrin təhlilinə əsasən, hazırkı gərginlik fon der Lyayenin əvvəlki baş diplomat Cozep Borrel ilə olan soyuq münasibətlərini də geridə qoyub.
