Həftə sonu polis əməkdaşları 4 avtomat aşkarlayıb.
Bu barədə “Operativ Məlumat Mərkəzi-OMM”-ə Daxili İşlər Nazirliyindən məlumat verilib.
Məlumata görə, martın 7-si və 8-də polis əməkdaşları paytaxtda və respublikanın ayrı-ayrı rayonlarında 4 avtomat, 5 qumbara, 4 alışdırıcı, 14 tüfəng, 3 patron darağı və 91 ədəd müxtəlif çaplı patron aşkar edərək ələ keçiriblər.
Daxili İşlər Nazirliyi qanunsuz saxlanılan odlu silah-sursatın aşkar edilib müsadirə olunması istiqamətində əməliyyat-profilaktik tədbirləri davam etdirir.
