Pedro Bikalyo: “Ötən mövsüm əla futbol nümayiş etdirən Pedro geri qayıdacaq”

“Qarabağ”ın futbolçusu Pedro Bikalyo mövsümün gedişi və komandanın qarşıdakı planları ilə bağlı fikirlərini bölüşüb.

O, komandanın hər oyunda inkişaf etdiyini bildirib: “Düşünürəm ki, hər oyunda bir komanda olaraq inkişaf edir, daha yaxşı olur və böyüyürük”.

Portuqaliyalı yarımmüdafiəçi Premyer Liqada rəqabətin ildən-ilə artdığını qeyd edib. Onun sözlərinə görə, bu tendensiya oyunların daha maraqlı və rəqabətli keçməsinə səbəb olur.

Pedro Bikalyo milli komandaların oyunları ilə əlaqədar yaranan fasilənin “Qarabağ” üçün faydalı olduğunu vurğulayıb. O, komandada çoxlu yeni futbolçunun yer aldığını və fasilənin kollektivin bir-birini daha yaxşı tanıması baxımından əlverişli fürsət yaratdığını deyib.

“Qarabağ”ın futbolçusu VII turda “İmişli” ilə keçiriləcək matçın çətin və rəqabətli olacağını gözlədiyini söyləyib.

Şəxsi çıxışını da dəyərləndirən Bikalyo bildirib: “Öz performansımdan razı deyiləm, çünki komandamızın Avropa turnirlərinə vəsiqə qazanmasına kömək edə bilmədim. Amma tam əminliklə deyə bilərəm ki, ötən mövsüm əla futbol nümayiş etdirən Pedro geri qayıdacaq!”