Paşinyan KTMT-dən çıxışla bağlı qərarın hələ qeyri-müəyyən olduğunu bildirib
"Operativ Məlumat Mərkəzi-OMM"xəbər verir ki, Ermənistanın Baş naziri Nikol Paşinyan ölkəsinin Kollektiv Təhlükəsizlik Müqaviləsi Təşkilatından (KTMT) de-fakto çıxıb-çıxmayacağı ilə bağlı suala cavab verməyin mümkün olmadığını bildirib.
Məlumata görə, Paşinyan bunu yerli televiziya kanallarında jurnalistlər üçün keçirilən brifinqdə deyib.
Baş nazir qeyd edib ki, seçki platformasında KTMT daxilində münasibətlərin yaxşılaşdırılması istiqamətində konkret addımların atılmayacağı açıq şəkildə göstərilib. Onun sözlərinə görə, təşkilatla əlaqələrdə yaxınlaşma gözlənilmir, lakin çıxış məsələsi hələlik dəqiq qərarlaşdırılmayıb.
“KTMT-dən de-fakto çıxacağımız başqa məsələdir, bunu indi deyə bilmərəm. Vəziyyətə uyğun hərəkət edəcəyik”, – deyə Paşinyan bildirib.
Qeyd olunub ki, Paşinyan daha əvvəl Ermənistanın KTMT-də iştirakını dondurduğunu açıqlamışdı və bunu ölkənin suverenliyinə təhlükə ilə əsaslandırmışdı.
Xatırladaq ki, Ermənistan xarici işlər naziri Ararat Mirzoyan da KTMT-dən çıxışla bağlı mümkün qərarın bütün risklərinin qiymətləndirildiyini bildirmişdi.
