Pakistanın Pəncab, Bəlucistan və Hayber Paxtunxva əyalətlərində güclü yağış və ildırım çaxması nəticəsində həyatını itirənlərin sayı 63-ə yüksəlib.

"Operativ Məlumat Mərkəzi-OMM" xəbər verir ki, Pakistan Fəlakətlərin İdarə Edilməsi Administrasiyasının sözçüsü Xurşid Ənvər ölkənin müxtəlif bölgələrinə təsir edən leysan yağışlarla bağlı açıqlama verib.

Pəncab, Bəlucistan və Hayber Paxtunxva əyalətlərində həftə sonu başlayan şiddətli yağış və ildırım çaxması nəticəsində həyatını itirənlərin sayının 63-ə yüksəldiyini deyən Enver, təxminən 1370 evin zərər gördüyünü bildirib.

Səlahiyyətlilər pis hava şəraitinin və davam edəcəyi gözlənilən yağışların axtarış-xilasetmə işlərinə mənfi təsir göstərə biləcəyinə də diqqət çəkib.

İtaliyanın baş naziri Giorgia Meloni iyunda keçiriləcək Avropa Parlamentinə (AP) seçkilərdə namizəd olacağını açıqlayıb.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

Peskarada ifrat sağçı İtaliya Qardaşları (FdI) partiyasının konqresinə qatılan Meloni, Avropa siyasətinin gələcəyinin formalaşacağı 6-9 iyun tarixlərində keçiriləcək AP seçkiləri ilə bağlı açıqlamalar verib.

Avropa siyasətində Avropa Mühafizəkarlar və İslahatçılar (ECR) qrupunun rəhbəri olan Meloni İtaliyada olduğu kimi Avropa Birliyində (AB) də solçuları müxalifətə göndərmək istədiklərini açıqlayıb.

İsrailin 7 oktyabr 2023-cü ildən bəri hücum etdiyi Qəzzada can itkisi 34 min 488-ə yüksəlib.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

Açıqlamada İsrail ordusunun Qəzza zolağına son 24 saatda həyata keçirdiyi hücumlarda daha 34 fələstinlinin həyatını itirdiyi, 68 fələstinlinin isə yaralandığı bildirilib. Bununla da yaralıların sayının 77 min 643-ə yüksəldiyi qeyd edilib.

Açıqlamada dağıntılar altında və yol kənarında hələ də ölənlərin olduğu, lakin İsrail əsgərlərinin maneəsi üzündən tibb qrupları və mülki müdafiə işçilərinin cəsədlərə çata bilmədiyi vurğulanıb.

ABŞ Mərkəzi Komandanlığı (CENTCOM) dünən həyata keçirdiyi hava əməliyyatı ilə Qəzzaya 25 min yeməyə bərabər qida paketi atıb.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

Birgə əməliyyata İordaniya tərəfindən verilən qida və ABŞ Hərbi Hava Qüvvələrinə məxsus dörd C-130 təyyarəsi cəlb edilib. ABŞ-nin C-130 təyyarələri Qəzzanın şimalına 25 000-dən çox hazır yemək ataraq həyat qurtaran humanitar yardım göstərib.

Keniyada güclü yağışların təsirinə məruz qalan Nakuru bölgəsindəki Mai Mahiu şəhərində bənd çöküb.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

Nakuru qubernatoru Susan Kihika verdiyi açıqlamada bənd suyunun daşması nəticəsində palçıq altında qalan yaşayış məntəqələrində 42 nəfərin həyatını itirdiyini və xilasetmə işlərinin davam etdiyini bildirib.

Hökumətin şənbə günü verdiyi açıqlamaya görə, əksəriyyəti paytaxt Nayrobidə olan 24 min ailədə yaşayan 130 mindən çox insan ölkədə baş verən qəfil daşqınlar nəticəsində evlərini tərk edib. Keniya Təhsil Nazirliyi davam edən leysan yağışları səbəbindən bu gündən etibarən məktəblərdə semestr tətilinin daha bir həftə uzadılmasına qərar verib.

İsrail ordusu Qəzza zolağında baş verən qarşıdurmalarda daha iki əsgərinin həlak olduğunu açıqlayıb.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

Açıqlamada əsgərlərin bu gün öldüyü qeyd edilib, lakin onların ölümlərinə səbəb olan münaqişələr barədə məlumat verilməyib.