Oman sahillərində tankerə hücum: Mərmi gəmiyə ziyan vurub

Oman sahillərində üzən neft tankeri naməlum mərminin hədəfi olub.

"Operativ Məlumat Mərkəzi-OMM" xəbər verir ki, hadisə ilə bağlı məlumatı Böyük Britaniya Hərbi Dəniz Qüvvələrinin (HDQ) Dəniz Ticarət Əməliyyatları Mərkəzi (UKMTO) yayıb.

Məlumata görə, insident Oman sahillərindən təxminən 6 dəniz mili (təqribən 11 kilometr) aralıda qeydə alınıb.

Naməlum mərmi gəminin burun hissəsinə dəyib.

İlkin araşdırmalar zamanı heyət üzvləri arasında xəsarət alanların olmadığı, həmçinin ətraf mühitə ciddi ziyan vurulmadığı müəyyən edilib.

UKMTO-nun yaydığı rəsmi açıqlamada vurulan tankerin öz marşrutu üzrə hərəkətini davam etdirdiyi və təyinat limanına doğru irəlilədiyi bildirilir.

Xatırladaq ki, cari ilin iyun ayında da Oman körfəzində oxşar hadisə baş vermiş, ABŞ qüvvələri Qvineya-Bisau bayrağı altında üzən "M/T Jalveer" neft tankerini sıradan çıxarmışdı.