Birləşmiş Krallığın Dəniz Ticarət Əməliyyatları İdarəsi (UKMTO) tərəfindən yayılan son məlumata görə, Bəhreyn limanında gəmiyə hücum qeydə alınıb. İdarə, iki naməlum mərminin gəmiyə dəydiyini rəsmən təsdiqləyib.
“Operativ Məlumat Mərkəzi-OMM” agentliyinin "Al Jazeera"ya istinadən verdiyi xəbərə əsasən, hadisə barədə təfərrüatlar UKMTO-nun rəsmi veb-saytında yerləşdirilib.
Zərbə nəticəsində gəminin göyərtəsində yanğın baş verib.
Rəsmi açıqlamada vəziyyət belə izah edilir: "Yanğın tam söndürülüb, gəmi hazırda limandadır. Ekipajın bütün üzvləri gəmidən təxliyə edilib və onların həyatı üçün heç bir təhlükə yoxdur."
