Ölüm mesajları alan baş məşqçi: “Bu, xoşagəlməzdir”

“Çelsi”nin baş məşqçisi Qrem Potter London təmsilçisinin azarkeşlərinin ona ünvanladığı elektron-poçtlar barədə danışıb.

"Operativ Məlumat Mərkəzi-OMM" “Reuters”-ə istinadən xəbər verir ki, Potter “zadəganlar”ın fanatlarının ona və övladlarına ölüm arzulaması ilə bağlı mesajlarını diqqətə çatdırıb:

“Dəstək mesajları ilə yanaşı, mənim və övladlarımın ölümünü arzulayan mesajlar da azarkeşlər tərəfindən elektron-poçt ünvanıma göndərilir. Bu, xoşagəlməzdir.

Belə olduğu halda, necə davranmalıyam? Həmişə demişəm: nə qədər zirvədə olsanız, bir o qədər təzyiqlə üz-üzə gələcəksiniz”.

“Çelsi” hazırda İngiltərə Premyer Liqasının turnir cədvəlində 31 xalla 10-cu pillədə qərarlaşıb.