OMM Redaksiyası
Türkiyə Futbol Federasiyasının Peşəkar Futbol İntizam Komitəsi (PFDK) “Qalatasaray”ın baş məşqçisi Okan Buruka bir oyunluq cəza verib.
Federasiyanın açıqlamasına görə, mütəxəssis “Trabzonspor”la matçda hakimə qarşı idmana zidd hərəkətinə görə bir oyunluq diskvalifikasiya olunub və 100 min lirə məbləğində cərimələnib.
Həmin qarşılaşmada qırmızı vərəqə alan “Qalatasaray”ın futbolçusu Lesli Uqoçukvu rəqib komandanın oyunçusuna qarşı ciddi qayda pozuntusuna görə iki matçlıq cəza alıb.
“Amed Sportif Faaliyetler”in baş məşqçisi Besnik Hasi də matçın hakiminə qarşı idmana zidd hərəkətlərinə görə bir oyunluq cəzalandırılıb və 100 min lirə cərimə ödəyəcək.
Komitə açıqlamalarına görə intizama sövq edilən “Beşiktaş”ın prezidenti Serdal Adalı, “Trabzonspor”un prezidenti Ərtuğrul Doğan, “Amed Sportif Faaliyetler”in prezidenti Nahit Eren və “Çorum FK”nın prezidenti Savaş Balçık barəsində cəza tətbiq etməyib.
Müxtəlif səbəblərə görə “Amed Sportif Faaliyetler” 2 milyon 542 min 500, “Beşiktaş” 755 min, “Trabzonspor” 560 min, “Qalatasaray” isə 350 min lirə cərimələnib.
