"Bayern"in qapıçısı Manuel Noyer tezliklə klubu ilə müqaviləsini uzadacaq.
"Operativ Məlumat Mərkəzi-OMM" xarici KİV-ə istinadən xəbər verir ki, tərəflər 2026-cı ilin yayına kimi müqavilənin şərtlərini razılaşdırıblar.
38 yaşlı kapitanla yeni müqavilənin imzalanması ilə bağlı rəsmi açıqlama yaxın günlərə planlaşdırılır.
Manuel Noyer 2011-ci ilin yayından “Bayern”in şərəfini qoruyur.
Bu mövsüm qapıçı Vinsent Kompaninin komandasının heyətində bütün yarışlarda 19 oyun keçirib, 13 qol buraxıb və 12 dəfə qapısını toxunulmaz saxlayıb.
