“Bavariya”nın baş direktoru Yan-Kristian Driysen Jamal Musialanın durumu və meydana qayıdışı barədə danışıb. O, bunu Almaniya Bundesliqasının 10-cu turunda “Köln”lə keçiriləcək oyundan əvvəl söyləyib.
Driysenin sözlərinə görə, Musialanın cümə günü meydana çıxması gözlənilir, lakin futbolçuya vaxt lazım olacaq. “Bildiyim qədər, o, cümə günü oynayacaq. Əlbəttə, ona vaxt lazımdır. Vəziyyəti qiymətləndirəcəyik, sonra ailəsi və nümayəndələri ilə müzakirə aparacağıq. Ya onun yenidən əvvəlki Jamal olmasına çox sevinəcəyik, ya da bərpa prosesində nəsə baş verərsə, bunu müzakirə etməli olacağıq”, – Driysenin sözlərini “Abendzeitung” nəşri yayıb.
“Bavariya” ilə “Köln”ün oyunu noyabrın 20-də, Bakı vaxtı ilə saat 23:30-da Münhen Arenasında keçiriləcək.
Musiala avqustda oyunlar zamanı ardıcıl iki dəfə huşunu itirib. Hər iki halda tibbi heyət ona yardım göstərdikdən sonra yarımmüdafiəçi əvəzlənib.