Ermənistanın Baş naziri Nikol Paşinyan Rusiya Günü münasibətilə Rusiya Prezidenti Vladimir Putinə təbrik məktubu göndərib.
"Operativ Məlumat Mərkəzi-OMM" xəbər verir ki, bu barədə Ermənistan Baş nazirinin mətbuat xidməti məlumat yayıb.
Məlumata görə, Paşinyan mesajında Rusiya vətəndaşlarını ölkələrinin gələcəyi üçün məsuliyyət daşıyan, öz inkişaf yolunu müstəqil şəkildə müəyyən edən xalq kimi xarakterizə edib.
Baş nazir bildirib ki, Ermənistan və Rusiya xalqları arasında formalaşmış çoxşaxəli əlaqələr qarşılıqlı hörmət və suverenliyə əsaslanır.
O qeyd edib ki, açıq və konstruktiv dialoq iki ölkə arasında əməkdaşlığın güclənməsinə və mövcud imkanların daha səmərəli istifadəsinə şərait yaradır.
Paşinyan Ermənistan-Rusiya münasibətlərinin gələcəkdə də inkişaf edəcəyinə əminliyini ifadə edib.
