OMM Redaksiyası
PSJ prezidenti və Avropa Klubları Assosiasiyasının rəhbəri Nasser Əl-Xelaifi “Real Madrid”lə münasibətlər və klubun prezidenti Florentino Peres barədə danışıb.
Qətərli funksioner bunu Avropa Klubları Assosiasiyasının Kopenhagendə keçirilən Baş Assambleyasındakı çıxışı zamanı bildirib. O, Madrid təmsilçisinin yaxın zamanda təşkilatın sıralarına qayıdacağını deyib.
“Avropa futbolunun gələcəyinin birlik və kollektiv maraqlar üzərində qurulmalı olduğuna inandığı üçün “Real Madrid”in prezidenti Florentino Peresə təşəkkür etmək istəyirəm. “Real Madrid”in ailəyə qayıtmaq prosesində olmasından məmnunuq”, – deyə Nasser Əl-Xelaifi bildirib.
Onun sözlərini Goal nəşri yayıb.
