"İnter"in mərkəz yarımmüdafiəçisi Davide Frattezi yay transfer pəncərəsində komandasını dəyişə bilər.
"Operativ Məlumat Mərkəzi-OMM" xarici KİV-ə istinadən xəbər verir ki, futbolçuya ciddi maraq göstərən klublar arasında "Napoli"nin adı xüsusi qeyd olunur.
Neapol klubunun rəhbərliyi 26 yaşlı oyunçunu heyətinə qatmaq üçün artıq hərəkətə keçib.
İddialara görə, "Napoli" rəhbərliyi Frattezini komandadan ayrılması gözlənilən Andre-Franko Zambo-Anqissanın əvəzedicisi kimi görür.
Baş məşqçi Massimiliano Alleqrinin də şəxsən bu transferdə maraqlı olduğu bildirilir.
Geridə qalan mövsümdə "İnter"in heyətində ümumilikdə 33 qarşılaşmaya çıxan yarımmüdafiəçi, 3 məhsuldar ötürmə ilə yadda qalıb. Nüfuzlu "Transfermarkt" portalı hazırda futbolçunun bazar dəyərini 22 milyon avro olaraq qiymətləndirir.
