OMM Redaksiyası
İran Prezidenti Məsud Pezeşkian ABŞ ilə müharibənin genişlənməsini istəmədiklərini, lakin ölkəsinin ərazi bütövlüyünü və milli maraqlarını qorumaq üçün bütün imkanlardan istifadə edəcəyini bildirib.
“Operativ Məlumat Mərkəzi-OMM” xəbər verir ki, bununla bağlı xarici KİV məlumat yayıb
"Ərazi bütövlüyümüzü bütün gücümüzlə qoruyacağıq. Lakin müharibəni genişləndirmək və ya onun davam etməsini istəmirik", - o vurğulayıb.
Prezident çıxışında ölkənin səhiyyə sisteminin inkişafının əhəmiyyətinə də toxunub.
Pezeşkian bildirib ki, güclü səhiyyə sisteminə malik cəmiyyət müxtəlif təhlükə və risklərə qarşı daha davamlı olur.
"İnsanların bərabər şəkildə tibbi xidmətə çıxışının təmin edilməsi ölkənin səmərəli idarə olunması və dayanıqlı inkişafı üçün ən vacib şərtlərdən biridir", - o qeyd edib.
