OMM Redaksiyası
Azərbaycan millisinin qarşıdakı oyunları üçün ilk dəfə dəvət alan Lorenzo Mezzotero karyerasını daha iddialı klubda davam etdirə bilər. “Sampdoriya”nın 18 yaşlı hücumçusu İtaliya klublarının diqqət mərkəzinə düşüb.
“SampNews24”ün italiyalı jurnalist Nikolo Şiraya istinadən yaydığı məlumata görə, “Yuventus”dan sonra “Monza” da futbolçunun çıxışını izləməyə başlayıb. “Monza”nın skautu noyabrın 8-də “Karareze” ilə oyunda Mezzoteronun performansını canlı izləyib.
Mezzotero oktyabrın 31-də “Virtus Entella” ilə qarşılaşmada peşəkar karyerasının ilk qolunu vurub. Onun çıxışı “Yuventus”, Almaniyanın “Borussiya Dortmund” və Belçikanın “Brügge” klublarının da diqqətini çəkib.
Azərbaycan millisinin qarşıdakı oyunları üçün ilk dəfə dəvət alan hücumçunun “Sampdoriya” ilə müqaviləsi 2028-ci ilin yayına qədərdir.
