Rusiya Müdafiə Nazirliyi Ukraynada davam edən hərbi əməliyyatların gedişatı barədə növbəti məlumatı yayıb.
"Operativ Məlumat Mərkəzi-OMM" xəbər verir ki, nazirliyin rəsmi açıqlamasında Rusiya ordusunun iki yaşayış məntəqəsini nəzarətə götürdüyü bildirilir.
Məlumata əsasən, cəbhənin müxtəlif istiqamətlərində irəliləyiş qeydə alınıb. Şimal hərbi qruplaşmasının bölmələri Sumı vilayətində yerləşən Sidorovka yaşayış məntəqəsini, Qərb hərbi qruplaşmasının bölmələri isə Xarkov vilayətinin Qluşovka kəndini ələ keçirib.
Qeyd edək ki, Rusiya Müdafiə Nazirliyi ötən gün verdiyi bəyanatda Xarkov vilayətinin Çuqunovka yaşayış məntəqəsinin də tam nəzarətə götürüldüyünü elan etmişdi.
