OMM Redaksiyası
İtaliyanın nəhəng futbol klubu "Milan" heyətini gücləndirmək üçün Braziliya bazarında axtarışlarını davam etdirir.
"Operativ Məlumat Mərkəzi-OMM" xarici KİV-ə istinadən xəbər verir ki, klubun diqqət mərkəzində olan əsas oyunçulardan biri "Flamenqo"nun gənc və istedadlı yarımmüdafiəçisi Everton Arauxodur.
"Milan" rəhbərliyi 23 yaşlı futbolçunun transferi üçün 15 milyon avro ödəməyə hazırdır.
Avropa futbolunda parlaq gələcək vəd edən Arauxonun potensialı italyan skautlarının diqqətindən yayınmayıb.
Qeyd edək ki, futbolçu 2022-ci ildən etibarən "Flamenqo"nun şərəfini qoruyur.
Buna baxmayaraq, Braziliya təmsilçisi oyunçunu bu məbləğə satmağa tələsmir.
Klub rəhbərliyi 15 milyon avroluq təklifi hələlik kifayət qədər qənaətbəxş hesab etmir.
Bundan əlavə, yarımmüdafiəçiyə maraq göstərən digər klubların da olması "Flamenqo"nun mövqeyini daha da gücləndirir və transfer prosesinin çətinləşə biləcəyini göstərir.
