Leon Qoretskanın karyerasını İtaliyanın “Yuventus” klubunda davam etdirməsi ehtimalı yenidən gündəmə gəlib.
“Operativ Məlumat Mərkəzi-OMM” xəbər verir ki, bu barədə “Sky Sport” məlumat yayıb.
Məlumata görə, Turin təmsilçisi Almaniya millisinin və “Bavariya”nın sabiq yarımmüdafiəçisi Leon Qoretska ilə bağlı danışıqları yenidən aktivləşdirib.
Bildirilir ki, 31 yaşlı futbolçu hələ yekun qərar verməyib, lakin İtaliyaya transfer variantına müsbət yanaşdığı iddia olunur.
Mənbənin məlumatına əsasən, futbolçunun tərəfi “Yuventus”dan illik 7 milyon avro maaşla üçillik müqavilə və əlavə olaraq 10 milyon avro imza bonusu tələb edir.
Qeyd olunur ki, Leon Qoretska 2018-ci ildən etibarən “Bavariya”nın şərəfini qoruyub. Onun klubla müqaviləsi cari ilin iyun ayının sonunda başa çatıb və hazırda futbolçu azad agent statusundadır.
