Azərbaycan boksçusu Bilalhəbaşi Nəzərov Xorvatiyanın Poreç şəhərində keçirilən U-23 Avropa çempionatında yarımfinala yüksəlib.
50 kq çəki dərəcəsində mübarizə aparan Nəzərov 1/4 finalda Çexiya təmsilçisi Filip Horvatla qarşılaşıb. O, rəqibini 5:0 hesabı ilə məğlub edərək yarımfinala vəsiqə qazanıb və ən azı bürünc medalı təmin edib.
Daha əvvəl Azərbaycan boksçuları Məhəmmədəli Aşırəliyev (60 kq) və Nicat Alırzayev (70 kq) də yarımfinala yüksələrək azı bürünc medalı təmin ediblər.
39 ölkədən 276 idmançının qatıldığı U-23 Avropa çempionatı noyabrın 24-də başa çatacaq.
Kontekst
Noyabrın 16-da Xorvatiyanın Poreç şəhərində start götürən U-23 Avropa çempionatında Azərbaycan təmsilçilərinin ilk rəqibləri müəyyənləşmişdi.