Argentinalı futbolçu Lionel Messi portuqaliyalı hücumçu Kriştiano Ronaldo ilə rəqabətini idman baxımından böyük döyüş kimi qiymətləndirib.
"Operativ Məlumat Mərkəzi-OMM" xəbər verir ki, futbolçu bu barədə L'Equipe-ə müsahibə verib.
“Biz bir-birimizi qarşılıqlı rəqabətlə qidalandırdıq, çünki ikimiz də rəqabət aparmağı sevirik. Ronaldo da mənim kimi həmişə qalib gəlmək istəyirdi. Qarşıdurma dövründən təkcə iki futbolçu yox, futbolu sevən insanlar da sevinib".
O, həmçinin qeyd edib ki, idmanın zirvəsində qalmaq ona qalxmaqdan daha çətin olub.
“10-15 il zirvədə qaldıq. Çox çətindir. Təəccüblüdür ki, bunu bacardıq. Bu, bizi izləyən hər kəs üçün gözəl bir xatirə olaraq qalacaq”, - o əlavə edib.
