OMM Redaksiyası
“İnter Mayami”nin hücumçusu Lionel Messi Argentina millisinin heyətində sonuncu oyununu Beninə qarşı keçirib. Buenos-Ayresdəki “Monumental Antonio Vespukio Liberti” stadionunda təşkil olunan yoldaşlıq matçında Argentina 3:0 hesabı ilə qalib gəlib.
Nikolas Otamendi 48-ci dəqiqədə hesabı açıb, 61-ci dəqiqədə Paskal Qanunu fərqi iki topa çatdırıb. Messi 71-ci dəqiqədə penaltini dəqiq yerinə yetirərək oyunun yekun nəticəsini müəyyənləşdirib. 39 yaşlı hücumçunun bu qolu karyerasında qol vurduğu milli komandaların sayını 46-ya yüksəldib.
Messi ən çox Avropa təmsilçilərinin qapısına yol tapıb: 14 milli komandaya qol vurub. O, KONKAKAF zonasından 10, KONMEBOL-dan 9, Afrikadan 7, Asiyadan isə 6 yığmanı məyus edib.
Argentina millisində debütünü 2005-ci ilin avqustunda Macarıstanla yoldaşlıq görüşündə edən Messi yığmanın heyətində ümumilikdə 208 matça çıxıb. Bu oyunlarda 126 qol vurub və 70 məhsuldar ötürmə ilə yadda qalıb.
