İngiltərənin "Liverpul" klubunun futbolçusu Məhəmməd Salah "Mançester Yunayted"ə ardıcıl 5 matçda qol vuran ilk oyunçu kimi tarixə düşüb.

"Operativ Məlumat Mərkəzi-OMM" "Squawka" portalına istinadən xəbər verir ki, 31 yaşlı hücumçu buna "qırmızı şeytanlar"a əlavə vaxtda 3:4 hesabı ilə uduzduqları İngiltərə Kubokunun 1/4 final mərhələsinin oyununda fərqlənməklə nail olub.

İndiyədək heç kim belə uğur əldə etməyib.

Bununla Mersisayd təmsilçisinin 9 matçlıq məğlubiyyətsizlik seriyasına da son qoyulub. "Liverpul" sonuncu dəfə fevralın 4-də Premyer Liqada "Arsenal"a yenilib - 1:3.

Qeyd edək ki, Məhəmməd Salah cari mövsüm çempionatda 22 matçda 15 qol və 9 məhsuldar ötürmə ilə yadda qalıb.

Fransanın PSJ klubu baş məşqçisi Luis Enrike ilə bağlı qərar qəbul edib.

"Operativ Məlumat Mərkəzi-OMM" ESPN-ə istinadən xəbər verir ki, 54 yaşlı mütəxəssis növbəti mövsüm Paris təmsilçisindəki fəaliyyətini davam etdirəcək.

Rəhbərlik Enrikenin işindən razıdır və onun çox nailiyyətlər əldə edə biləcəyinə inanır.

Qeyd edək ki, PSJ UEFA Çempionlar Liqasının yarımfinal mərhələsinin hər iki oyununda Almaniyanın "Borussiya" (Dortmund) klubuna 0:1 hesabı ilə uduzub.

“Qarabağ”ın sabiq qapıçısı İbrahim Şehiç Bosniya və Herseqovina millisindəki karyerasını bitirib.

"Operativ Məlumat Mərkəzi-OMM" xəbər verir ki, Səudiyyə Ərəbistanının “Əl-Halic” komandasında çıxış edən 36 yaşlı qolkiper qərarını sosial şəbəkə hesabında açıqlayıb.

“Günlərdir nə deyəcəyimi, haradan başlayacağımı düşünürəm. Sevimli formanı geyinmək üçün mənə gələn ilk zəngdən indiyədək inanılmaz 14 il keçib. Atam vətən uğrunda həlak olub. Mən də ölkəmi bu yolla müdafiə etdim. 66 oyunda Bosniya və Herseqovinanın gerbini qürurla üzərimdə daşıdım. Bu yolda məni müşayiət edən hər kəsə - ailəmə, dostlarıma, məşqçilərimə və komanda yoldaşlarıma minnətdaram. Siz məni daha yaxşı insan etdiniz. Çox sağ olun. Milli komandamızın ən yaxşı azarkeşlərinə təşəkkür edirəm. Burada ən gözəl xatirələr, ən böyük sevinc və kədərlər, məni göylərə ucaldan uğurlar, bədənimin hər hüceyrəsində hiss etdiyim məğlubiyyətlər yaşadım. Hər şey üçün təşəkkürlər”, - təcrübəli oyunçu yazıb.

Qeyd edək ki, İbrahim Şehiç 2013-2018-ci illər mövsümündə “Qarabağ”ın şərəfini qoruyub. 2010-cu il noyabrın 17-də yığmada debüt edən təcrübəli qapıçı ümumilikdə 55 oyunda meydanda olub.

Azərbaycan Premyer Liqasında XXXIII tura yekun vurulub.

"Operativ Məlumat Mərkəzi-OMM" xəbər verir ki, günün yeganə oyununda "Səbail" və "Qəbələ" komandaları üz-üzə gəliblər. "ASCO Arena"da baş tutan qarşılaşma qonaqların 3:2 hesablı qələbəsi ilə yekunlaşıb.

Bu nəticədən sonra "Səbail" 42 xalla altıncı, ötən tur "Kəpəz"ə məğlub olaraq Premyer Liqa ilə vidalaşan "Qəbələ" isə 20 xalla sonuncu - 10-cu yerdədir.

Turun daha əvvəl reallaşan görüşlərində "Qarabağ" "Neftçi"yə 5:0, "Zirə" "Turan Tovuz"a 2:1, "Sabah" "Araz-Naxçıvan"a 1:0 hesabı ilə qalib gəlib. "Kəpəz" - "Sumqayıt" görüşü isə 1:1 hesablı heç-heçə ilə yekunlaşıb.

"Yuventus" klubunun qapıçısı Voytsex Şesny İngiltərə Premyer Liqasına qayıda bilər.

"Operativ Məlumat Mərkəzi-OMM" "Goal.com"-a istinadən xəbər verir ki, qapıçının xidmətində "Arsenal" maraqlıdır.

Klubun onu Aron Ramsdalenin yerinə düşünür.

İtaliya A seriyasının bu mövsümündə 34 yaşlı qapıçı 33 oyun keçirib.

Londonun "Çelsi" klubunun keçmiş baş məşqçisi Qrem Potter Niderland çempionatında işləyə bilər.

"Operativ Məlumat Mərkəzi-OMM" xəbər verir ki, bu barədə "The Sun" məlumat yayıb.

Mənbənin məlumatına görə, Potterin xidmətlərində "Feyenoord" klubu maraqlıdır.

Klub britaniyalı mütəxəssisi "Liverpul" ilə anlaşan Arne Slotun yerinə çağıracaq.