OMM Redaksiyası
"Ştutqart" klubunun yarımmüdafiəçisi Andjelo Ştiller yay transfer pəncərəsində yeni komandaya keçməyə yaxındır.
"Operativ Məlumat Mərkəzi-OMM" "Tuttosport" nəşrinə istinadən xəbər verir ki, 25 yaşlı futbolçu üçün Avropanın iki nəhəng klubu – "Mançester Yunayted" və "Yuventus" fəal rəqabət aparır.
Hazırda bu yarışda İngiltərə təmsilçisinin daha şanslı olduğu vurğulanır.
Almaniyalı oyunçunun müqaviləsində 40 milyon avro məbləğində sərbəstqalma maddəsi mövcuddur.
Cari mövsümdə Ştiller bütün turnirlər daxil olmaqla 48 matçda meydana çıxıb, 2 qol və 10 məhsuldar ötürmə ilə yadda qalıb.
Onun hazırkı klubu ilə müqaviləsi 2028-ci ilin iyun ayınadək qüvvədədir.
