“Milan” “Mançester Siti” və İngiltərə millisinin sağ cinah müdafiəçisi Kayl Uolkerlə maraqlanır.
"Operativ Məlumat Mərkəzi-OMM" “The Telegraph”-a istinadən xəbər verir ki, Milan klubunun rəhbərliyi Davide Kalabria ilə rəqabət aparmaq üçün ilk növbədə müdafiənin sağ cinah mövqeyini gücləndirmək variantlarını nəzərdən keçirir.
Pep Qvardiolanın start heyətində yerini itirən Uolkerin “Mançester Siti”dəki gələcəyi şübhə altındadır. Müdafiəçinin klubla müqaviləsi 2024-cü ilin iyunun sonuna kimidir.
"Transfermarkt" internet portalına görə futbolçunun dəyəri 15 milyon avrodur.