Afət Ziyadqızı
Fransalı jurnalist və “Demək olar ki, mükəmməl cütlük” kitabının müəllifi Florian Tardif Fransa Prezidenti Emmanuel Makronla bağlı diqqətçəkən iddia irəli sürüb.
“Operativ Məlumat Mərkəzi-OMM” xəbər verir ki, “Daily Mail” nəşrinin yaydığı məlumata görə, jurnalist Makronun iranlı aktrisa ilə yazışdığı üçün həyat yoldaşı Bricit Makron tərəfindən sillələndiyini bildirib.
Tardif radioda çıxışı zamanı qeyd edib ki, Bricit Makron prezidentin telefonunda məşhur iranlı aktrisadan gələn mesajları görüb. Onun sözlərinə görə, Emmanuel Makron həmin aktrisa ilə bir neçə ay “platonik münasibət” saxlayıb və sonradan ona daha şəxsi xarakterli mesajlar yazıb.
Jurnalist iddia edir ki, Fransa Prezidenti aktrisaya məktublarında onu çox gözəl hesab etdiyini də bildirib.
Florian Tardif hadisə ilə bağlı məlumatı Makrona yaxın şəxslərdən aldığını vurğulayıb.
