Fransaya bu ölkələrdən aylıq 200 min ton dizel yanacağı tədarük ediləcək

Fransa Prezidenti Emmanuel Makron Birləşmiş Ərəb Əmirlikləri (BƏƏ) və Bəhreyndən Fransa bazarına hər ay dizel yanacağının tədarükü barədə razılığa gəlib.

“Operativ Məlumat Mərkəzi-OMM” xəbər verir ki, bununla bağlı Yelisey sarayındakı mənbə bildirib.

Mənbənin sözlərinə görə, BƏƏ Fransaya ayda 100 min ton, Bəhreyn isə əlavə olaraq 100 min ton dizel yanacağı tədarük edəcək.

Yanacağın Fransa bazarının ehtiyacları üçün istifadə olunması nəzərdə tutulur.

Qeyd olunub ki, yaxın gələcəkdə Qətərlə də dizel yanacağının tədarükünə dair razılaşmaların əldə olunacağı gözlənilir.

Məlumat üçün bildirək ki, Makron bundan əvvəl Səudiyyə Ərəbistanı ilə oktyabr-noyabr aylarında 95 min ton dizel yanacağının tədarükü barədə razılığa gəlib.