Azərbaycan millisinin futbolçusu Mahir Emreli UEFA Millətlər Liqasının 2026/27 mövsümünün qrup mərhələsinin rəmzi komandasına daxil edilib.
“WhoScored” portalı futbolçuların reytinqləri əsasında hazırladığı heyətdə Emreliyə 7,84 bal verib. Azərbaycanlı hücumçu rəmzi komandada 11 futbolçudan biri olub.
Heyətə, həmçinin Harri Keyn (7,88), Kevin De Brüyne (7,87), Lamin Yamal (7,83), Cud Bellingem (7,82), Maykl Olise (7,80), Lyuis Holl (7,74), Senne Lammens (7,66), Elseyd Hüseyn (7,65), Dara O’Şi (7,44) və Maksim Paskotsi (7,42) daxil edilib.
Mahir Emreli bu uğurunu sosial şəbəkə hesabında da paylaşıb.