Kubarsi Flikin əsəbiləşəndə alman və ya ingilis dilində danışdığını bildirib

“Barselona”nın və İspaniya millisinin 19 yaşlı müdafiəçisi Pau Kubarsi komandanın baş məşqçisi Hans-Diter Fliklə dil baryerindən danışıb. O bildirib ki, bəzi futbolçular alman mütəxəssisi hər zaman başa düşmürlər.

“O əsəbiləşəndə alman və ya ingilis dilində danışır. Sakit olanda isə bəzən ispanca bir-iki söz deyir. Biz onu başa düşmürük, amma səs tonundan artıq hər şey aydın olur”, – Kubarsinin sözlərini Foot Mercato X sosial şəbəkəsində yayıb.

61 yaşlı Flik “Barselona”ya 2024-cü ildən rəhbərlik edir. Onun baş məşqçiliyi dövründə Kataloniya klubu iki dəfə İspaniya çempionu olub, ölkə kubokunu və İspaniya Superkubokunu iki dəfə qazanıb.

Kubarsi cari mövsümdə bütün turnirlərdə 13 oyuna çıxıb və iki məhsuldar ötürmə verib.