Aprelin 9-da kriptovalyuta birjalarında "Bitcoin"in qiyməti kəskin azalıb.
"Operativ Məlumat Mərkəzi-OMM" xəbər verir ki, dünyanın ən bahalı kriptovalyutası Bakı vaxtı ilə saat 9:45-də “CoinMarketCap” platformasında 3.98% ucuzlaşaraq 76 536 ABŞ dolları təşkil edib.
Son bir gündə "Ethereum"un qiymətində də azalma müşahidə edilib. Sözügedən kriptovalyutanın dəyəri 8.19% azalaraq 1455 ABŞ dollarına bərabər olub. İlk beşlikdə olan XRP son sutkada 4.32%, BNB isə 2.65% ucuzlaşıb.
Qeyd edək ki, "Bitkoin"in ən yüksək qiyməti ötən il dekabrın 16-da qeydə alınıb və qiyməti 108 min dolları ötüb.
