Branimir Subaşiç “Neftçi”nin “Qarabağ”ı məğlub edə biləcəyinə inanır

Azərbaycan millisinin sabiq futbolçusu Branimir Subaşiç “Qarabağ”la “Neftçi” arasında keçiriləcək derbi ilə bağlı fikirlərini bölüşüb. 44 yaşlı keçmiş hücumçu qarşılaşmada “Neftçi”yə azarkeşlik edəcəyini bildirib.

Subaşiçin sözlərinə görə, “Neftçi” bu mövsüm yaxşı təsir bağışlayır və daha yaxşı nəticələrə layiqdir. O, komandanın yaxın zamanda daha da yaxşı oyun nümayiş etdirəcəyinə inandığını söyləyib.

“Neftçi” həmişə Azərbaycanın flaqmanı olaraq qalacaq. İrəli, “Neftçi”!” – deyə sabiq futbolçu vurğulayıb.

Subaşiç ötən tur qolsuz heç-heçə ilə yekunlaşan “Neftçi” – “Sabah” matçını izlədiyini və komandanın oyunundan razı qaldığını qeyd edib. O, futbolçuları göstərdikləri mübarizəyə görə tərifləyib və “Neftçi”nin “Qarabağ”ı məğlub edə biləcəyinə ümid etdiyini bildirib.

“Qarabağ” – “Neftçi” qarşılaşması sabah Tofiq Bəhramov adına Respublika stadionunda keçiriləcək. Matç saat 19:00-da başlayacaq.