Bu gün Koreya Respublikasının cənubundakı Çecudo kurort adasının yaxınlığında göyərtəsində 15 heyət üzvü olan iki balıqçı gəmisi saya oturub.
"Operativ Məlumat Mərkəzi-OMM" xəbər verir ki, bu barədə “Yonhap” agentliyi məlumat yayıb.
Yerli vaxtla saat 09:24 radələrində sahil mühafizəsinə Çecudo adası yaxınlığındakı sularda iki balıqçı gəmisinin saya oturması barədə məlumat daxil olub.
Onlardan 12 nəfəri xilas edilib, 3 nəfər itkin düşüb. Bir nəfər sonradan həlak olub.
"Xilas edilənlər arasında 32 tonluq gəminin 50 yaşlı kapitanı da var. Onun ürəyi dayanıb, xəstəxanaya gedərkən həkimlər ürək-ağciyər reanimasiyası aparsalar da, həmin şəxs sonradan vəfat edib", - məlumatda bildirilib.
