Afət Ziyadqızı
Cənubi Koreyanın Daegu Rayon Məhkəməsi hava nəqliyyatında təhlükəsizlik qaydalarını kobud şəkildə pozaraq uçuş zamanı təyyarənin təcili çıxış qapısını açmağa cəhd göstərən sərnişin barəsində məhkəmə hökmünü elan edib.
"Operativ Məlumat Mərkəzi-OMM" xəbər verir ki, "Yonhap" agentliyinin yaydığı məlumata əsasən, insident 22 noyabr 2025-ci il tarixində "T’way Air" aviaşirkətinə məxsus sərnişin təyyarəsində baş verib.
Məhkəmə materiallarına görə, Hava Təhlükəsizliyi Qanununu pozmaqda təqsirləndirilən sərnişin təyyarə dəniz səviyyəsindən təxminən 11 300 metr (37 000 fut) yüksəklikdə olarkən təcili çıxış qapısının kilid mexanizmini (dəstəyini) qaldırmağa cəhd edib.
Daegu Rayon Məhkəməsinin çıxardığı hökmə əsasən, təqsirləndirilən şəxsə 4 ay müddətinə həbs cəzası kəsilib. Lakin məhkəmə həbs cəzasının icrasını 2 il müddətinə təxirə salıb (şərti cəza) və müqəssirin üzərinə 80 saat məcburi ictimai işlərdə çalışma öhdəliyi qoyub.
Məhkəmə kollegiyası qərarda qeyd edib ki, müqəssir qapını açmağa yalnız bir dəfə cəhd edib və uçuş zamanı yüksək təzyiq fərqi səbəbindən qapının həqiqətən açılması ehtimalı son derece aşağı olub. Bu amillər nəzərə alınaraq, qanunsuz əməlin uçuşun ümumi təhlükəsizliyinə məhdud dərəcədə təhlükə yaratdığı qənaətinə gəlinib və cəzanın şərti tətbiq olunması münasib bilinib.
