Afət Ziyadqızı
Konqo Demokratik Respublikasının Bukavu şəhərinin Kadutu rayonunda baş verən yanğında ölən şagirdlərin sayı 29-a çatıb.
“Operativ Məlumat Mərkəzi-OMM” xəbər verir ki, milli mətbuatın məlumatına görə, Cimpunda məhəlləsində bir evdə başlayan alov daha sonra Ujamaa və Furaha ibtidai məktəblərinə keçib.
Yanğın nəticəsində 4-ü ağır olmaqla 25 şagirdin yaralandığı bildirilib.
Ağacdan tikilən iki məktəb tamamilə yanıb.
Bundan başqa, ətraf ərazidə 300-dən çox ev istifadəyə yararsız vəziyyətə düşüb.
Xilasetmə qruplarının müdaxiləsindən sonra yanğın nəzarətə alınıb.
Yanğının hansı səbəbdən baş verdiyi hələ açıqlanmayıb.
