Afət Ziyadqızı
Konqo Demokratik Respublikasında may ayında başlayan Ebola epidemiyası ilə bağlı vəziyyətin kritik həddə çatdığı bildirilir.
“Operativ Məlumat Mərkəzi-OMM” xəbər verir ki, bu barədə Ümumdünya Səhiyyə Təşkilatı (ÜST) məlumat yayıb.
Məlumata görə, avqustun 2-də dərc olunan son hesabatda virusun nadir rast gəlinən "Bundibugyo" ştammının yayıldığı təsdiqlənib.
Bildirilib ki, epidemiya nəticəsində 3 min 626 nəfərdə Ebola virusu aşkarlanıb, onlardan 1 min 589-u həyatını itirib.
Qeyd olunub ki, yoluxma hallarının 3 min 605-i Konqo Demokratik Respublikasında, 20-si Uqandada, 1-i isə Fransada qeydə alınıb.
Səhiyyə qurumları virusun daha geniş yayılmasının qarşısını almaq məqsədilə profilaktik və epidemioloji tədbirlərin gücləndirildiyini açıqlayıb.
