İranın İsrailə buraxdığı ballistik raketlərin təxminən 50 faizi havaya qalxa bilməyib və ya hədəflərinə çatmayıb.

"Operativ Məlumat Mərkəzi-OMM" xəbər verir ki, bu barədə “Fox News” telekanalı adı açıqlanmayan amerikalı rəsminin sözlərinə istinadən məlumat yayıb.

“The Wall Street Journal” məlumatına görə, İran İsrailə 115-130 ballistik raket atıb. ABŞ rəsmiləri atılan raketlərin yalnız yarısının zərərsizləşdirildiyini, qalanlarının isə hədəfə çata bilmədiyini qeyd edib.

Xatırladaq ki, aprelin 13-də İran İslam İnqilabı Keşikçiləri Korpusu (SEPAH) qanadlı və ballistik raketləri ilə "Doğru vəd əməliyyatı" kod adı altında İsrailə hücum edib. Hücumların aprelin 1-də İsrailin İranın Dəməşqdəki səfirliyini bombalamasına cavab olaraq həyata keçirildiyi bildirilir. Bu, iki ölkə arasında ilk birbaşa hərbi qarşıdurmadır.

İsrail ordusu Qəzza zolağında baş verən qarşıdurmalarda daha iki əsgərinin həlak olduğunu açıqlayıb.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

Açıqlamada əsgərlərin bu gün öldüyü qeyd edilib, lakin onların ölümlərinə səbəb olan münaqişələr barədə məlumat verilməyib.

Xatırladaq ki, Qəzza zolağına hücumların başladığı 7 oktyabr 2023-cü ildən bu yana öldürülən İsrail əsgərlərinin sayı 264-ü quru işğalı prosesində olmaqla 608-ə yüksəlib.

Moldova prezidenti Maia Sandu bildirib ki, Kişinyov və Kiyev İkinci Dünya Müharibəsindən sonra Avropa ölkələrini canlandırmaq üçün ABŞ-ın qəbul etdiyi “Marşal planı”nın Avropa İttifaqından bir versiyasına ehtiyac duyur.

"Operativ Məlumat Mərkəzi-OMM" xəbər verir ki, bu barədə RİA Novosti sitat gətirib.

"Moldova və Ukrayna 21-ci əsrdə bu Aİ planının ekvivalentinə ehtiyac duyur", -deyə Sandu bildirib.

O qeyd edib ki, Qərbi Avropa “İkinci Dünya Müharibəsindən sonra Amerika Marşal Planı sayəsində iqtisadi həyat xətti qazanıb”.

Peruda şəhərlərarası avtobusun uçuruma düşməsi nəticəsində 23 nəfər həlak olub.

"Operativ Məlumat Mərkəzi-OMM" xəbər verir ki, bu barədə “RPP” radiostansiyası məlumat yayıb.

Qeyd olunub ki, hadisə Lukum bölgəsində baş verib.

Qəza nəticəsində 9 nəfərin yaralandığı bildirilir. Onların hamısı xəstəxanaya yerləşdirilib.

Selendin əyalətində baş verən qəzadan sonra həlak olanlar üçün matəm əlaməti olaraq bayraqlar yarıya qədər endirilib.

Fransa Müdafiə Nazirliyinin rəhbəri Sebastyan Lekornu bildirib ki, “Aster” zenit-raket komplekslərinin istehsalı üçün ölkənin hərbi-sənaye kompleksində fəaliyyət göstərən müəssisələrə üstünlük verilməlidir.

"Operativ Məlumat Mərkəzi-OMM" xəbər verir ki, bu barədə RİA Novosti məlumat yayıb.

"İlk dəfə mən icra səlahiyyətlərimdən istifadə edərək bir sıra podratçılara Aster raketləri üçün hərbi sifarişlərin prioritetləşdirilməsinə yönəldim, mülki sifarişlər isə arxa plana keçəcək",- deyə Lekornu bildirib.

NATO-nun müdafiə nazirləri mayın 16-da Brüsseldə keçiriləcək görüşdə Ukraynaya hərbi dəstəyi müzakirə edəcəklər.

"Operativ Məlumat Mərkəzi-OMM" xəbər verir ki, bu barədə RT məlumat yayıb.

Görüş NATO-nun hərbi komitəsinin müdafiə nazirləri səviyyəsində iclası çərçivəsində baş tutacaq. Şimali Atlantika Alyansının mətbuat xidməti qeyd edib ki, nazirlər “Rusiyanın Ukraynaya qarşı aqressiv müharibəsini, yerlərdəki vəziyyəti, həmçinin NATO və müttəfiqlərinin Ukraynaya gələcək dəstəyini” müzakirə edəcəklər.