OMM Redaksiyası
73 yaşlı portuqaliyalı mütəxəssis Karlos Keyruş Qana millisinin baş məşqçisi vəzifəsindən ayrılıb. Bu barədə ölkənin futbol assosiasiyasının mətbuat xidməti məlumat yayıb.
Keyruş 2026-cı il dünya çempionatından əvvəl Qana yığmasının baş məşqçisi təyin olunmuşdu. Komanda turnirdə 1/16 finala qədər irəliləyib və Kolumbiyaya 0:1 hesabı ilə uduzub.
İyulun 6-da mütəxəssisin vəzifədən getdiyi açıqlanmış, sentyabrın 2-də isə o, yenidən baş məşqçi postuna qayıtmışdı. Qana millisi Afrika Millətlər Kubokunun seçmə mərhələsində Keyruşun rəhbərliyi altında keçirdiyi iki oyunda da məğlub olub: Kot-d’İvuara 0:2, Qambiyaya isə 2:4 hesabı ilə uduzub.
Keyruş karyerası ərzində Oman, Qətər, İran, Misir, Kolumbiya, Portuqaliya, CAR, Səudiyyə Ərəbistanı və BƏƏ millilərinə rəhbərlik edib. Klub səviyyəsində isə “Mançester Yunayted”, “Real Madrid” və başqa komandaları çalışdırıb.
