OMM Redaksiyası
Portuqaliya millisinin müdafiəçisi Joao Kanselu Kriştiano Ronaldu ilə bağlı yaranmış vəziyyətə münasibət bildirib. O, komandanın kapitanının ölkə futbolu üçün əhəmiyyətini vurğulayaraq problemin ən yaxşı şəkildə həll olunacağına ümid etdiyini deyib.
“Kriştiano bizim kapitanımız və milli komandanın simvoludur. O, hamıdan yaxşıdır. Hər kəs onun Portuqaliya üçün nə ifadə etdiyini və ölkəyə nə verdiyini bilir”, – Kanselunun sözlərini jurnalist Fabrizio Romano sitat gətirib.
“İnanıram ki, hər şey mütləq ən yaxşı şəkildə başa çatacaq. Hamımız istəyirik ki, vəziyyət sakit şəkildə və Kriştianonun layiq olduğu hörmətlə həll olunsun”, – müdafiəçi əlavə edib.
41 yaşlı hücumçu baş məşqçi Jorji Jezuşla fikir ayrılıqları fonunda Portuqaliya millisinin düşərgəsini vaxtından əvvəl tərk edib. Ronaldu Millətlər Liqasının ikinci turunda Norveçlə 2:1 hesabı ilə başa çatan matçda ehtiyatda qalıb və meydana çıxmayıb. Daha sonra Jezuşun mətbuat konfransı və Portuqaliya Futbol Federasiyasının prezidenti Pedru Proensa ilə söhbətdən sonra Ronaldu Danimarka ilə üçüncü tur oyunundan bir gün əvvəl düşərgədən ayrılıb. Portuqaliya həmin görüşdə 4:2 hesabı ilə qalib gəlib. Jezuş sonradan Ronaldu istədiyi vaxt komandaya qayıda biləcəyini bildirib.
