OMM Redaksiyası
Portuqaliyanın “O Jogo” nəşrinin məlumatına görə, Kriştiano Ronaldu ölkəsinin milli komandasında çıxışını başa çatdırmaq qərarına gəlib. Bildirilir ki, 40 yaşlı hücumçu bir daha Portuqaliya millisinin formasını geyinmək niyyətində deyil və qərarı geri dönməz xarakter daşıyır.
Futbolçunun özü və Portuqaliya Futbol Federasiyası bu məlumatı hələ rəsmi şəkildə təsdiqləməyib. Xəbərin təsdiqlənəcəyi təqdirdə, bu qərarın komandanın tarixində ən ciddi qalmaqallardan birinə çevrilə biləcəyi qeyd olunur.
Ronaldu oktyabrın 30-da Portuqaliya millisinin düşərgəsini tərk edib. Buna baş məşqçi Jorje Jezuşun mətbuat konfransında hücumçunu Millətlər Liqasının Danimarka ilə oyununda start heyətində meydana buraxmayacağını açıqlaması səbəb olub.
Ronaldu daha sonra açıqlama yayaraq düşərgədən getdiyini təsdiqləyib və yaxın vaxtlarda “bütün həqiqəti danışacağına” söz verib. “O Jogo”nun yazdığına görə, futbolçu düşərgəni tərk edərkən komanda yoldaşlarından heç biri ilə sağollaşmayıb.
Kriştiano Ronaldu Portuqaliya millisində 234 oyun keçirib və 146 qol vurub.
