Livan parlamentinin deputatı Kasım Haşim ABŞ-nin İsrail ordusu ilə Hizbullah arasında atəşkəs yaratmaq üçün hazırladığı razılaşma layihəsinə cavabın ən geci bazar ertəsi və ya çərşənbə axşamı veriləcəyini bildirib.
"Operativ Məlumat Mərkəzi-OMM" xəbər verir ki, bu barədə Livanın rəsmi agentliyi NNA məlumat yayıb.
Məlumata görə, Haşim ABŞ-nin təqdim etdiyi atəşkəs təklifi layihəsi ilə bağlı yerli mətbuata açıqlama verib.
Atəşkəsin İsrailin cavabından asılı olacağını bildirən Haşim, BMT-nin 1701 saylı qətnaməsinə əməl olunmasını qeyd edib.
