İsrail Hizbullahla atəşkəs müzakirəsindən imtina etdi

İsrail rəhbərliyi Livanın "Hizbullah" hərəkatı ilə atəşkəs məsələsini müzakirə etmək niyyətində deyil.

“Operativ Məlumat Mərkəzi-OMM” xəbər verir ki, bu barədə İsrailin ABŞ-dəki səfiri Yexiel Leyter "The Times of Israel" nəşrinə şərhində bildirib.

"İsrailə hücumlarını davam etdirən və iki ölkə arasında sülh yolunda əsas maneə olan "Hizbullah" terror təşkilatı ilə atəşkəsi müzakirə etmək niyyətində deyilik", - deyə Y.Leyter vurğulayıb.

Qeyd edək ki, ötən gün Y.Leyter Livanın ABŞ-dəki səfiri Nada Həmadə və ABŞ-nin Livandakı diplomatik missiyasının rəhbəri Mişel İssa ilə telefon danışığı aparıb. Tərəflər aprelin 14-də birbaşa danışıqlara başlamaq imkanını müzakirə ediblər.