OMM Redaksiyası
Andoni İraola İngiltərə Premyer Liqasının 7-ci turunda “Brentford”la “Liverpul” arasında keçirilən oyunda ləğv edilən penalti qərarını şərh edib. “Citec Community” stadionunda baş tutan qarşılaşmanı baş hakim Con Bruks idarə edib. “Liverpul” səfərdə 2:1 hesabı ilə qalib gəlib.
“Brentford”un heyətində Kinan Lüis-Potter 44-cü dəqiqədə hesabı açıb. Munyos 62-ci dəqiqədə tarazlığı bərpa edib, Aleksandr İsak isə 70-ci dəqiqədə “Liverpul”a qələbə qazandıran qolu vurub. Yarmolyuk 45+8-ci, Yanelt isə 90+2-ci dəqiqədə meydandan qovulub.
“Düşünürəm ki, Dango Uattara topa toxundu. Çətin ki, bu, penalti olsun. VAR da belə epizodlara müdaxilə etməməlidir, çünki vəziyyət aydın idi. Bu mövsüm “Nottingem Forest”lə oyundakı penaltini xatırlayıram. Bizə bunun penalti olmadığı deyilmişdi və VAR müdaxilə etməyəcəkdi.
Vəziyyətlərin çox oxşar olduğunu düşünürəm və bunu penalti adlandırmazdım. Təkrara baxdıqdan sonra Dango Uattaranın topa azacıq toxunduğunu gördüm. “Forest”lə oyunda mənə izah edilənlərə əsasən, bu, eyni vəziyyətdir və VAR-ın müdaxilə etməli olduğunu düşünmürəm”, – İraolanın sözlərini “Liverpul”un rəsmi saytı yayıb.
