OMM Redaksiyası
İngiltərə Premyer Liqasının 2026/2027 mövsümünün 7-ci turunda “Brentford” doğma meydanda “Liverpul”a 1:2 hesabı ilə uduzub. Oktyabrın 17-də Brentforddakı “Gtech Community” stadionunda keçirilən oyunun baş hakimi Con Bruks olub.
Hesabı 44-cü dəqiqədə Kin Lyuis-Potter açıb. 41-ci dəqiqədə Danqo Uattara “Brentford”u önə keçirə bilərdi, lakin VAR baxışından sonra penalti qərarı ləğv edilib. İlk hissənin 45+8-ci dəqiqəsində Yeqor Yarmolyuk qırmızı vərəqə alıb.
Viktor Munyos 62-ci dəqiqədə hesabı bərabərləşdirib, Aleksander İsak isə 70-ci dəqiqədə “Liverpul”un qələbə qolunu vurub. 90+2-ci dəqiqədə ikinci sarı vərəqə alan Vitali Yanelt meydandan qovulub.
Bu nəticədən sonra “Brentford” 10 xalla turnir cədvəlinin altıncı, “Liverpul” isə 12 xalla beşinci pilləsində qərarlaşıb.
