OMM Redaksiyası
İran Milli Təhlükəsizlik Ali Şurasının katibi Möhsün Rzai ABŞ Prezidenti Donald Trampın yenidən danışıqlar barədə açıqlamalarını şərh edib.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
"ABŞ prezidentinin "danışıqlar yoxdur" fikrindən "danışmağa hazırıq" mövqeyinə qədər verdiyi ziddiyyətli mesajlara aldanmayın", - Rzai bildirib.
O əlavə edib ki, neft və boğazlarla bağlı balans dəyişib:
"Vəziyyəti xilas etməyə çalışmaq yaxınlaşan hadisələrin qarşısını almaq üçün kifayət etməyəcək. İranın şərtləri yerinə yetirilməyənədək görüş olmayacaq. Nöqtə!"
ABŞ Prezidenti Donald Tramp son həftələrdəki açıqlamalarında İranla danışıqlar aparmayacaqlarını bildirsə də, dünən verdiyi açıqlamada Vaşinqtonun danışıqlara açıq olduğunu söyləyib.
