İranlı millət vəkili İbrahim Rəzai Hörmüz boğazı ətrafında artan gərginlik fonunda ABŞ barədə sərt ifadələr işlədib.
“Operativ Məlumat Mərkəzi-OMM” xəbər verir ki, iranlı deputat sosial media platforması X-də paylaşdığı açıqlamada ABŞ-ni “Axmaqların Birləşmiş Ştatları” adlandırıb.
Rəzai yazıb: “Bu prezident və o axmaq müdafiə naziri ilə ABŞ əvəzinə USI – Axmaqların Birləşmiş Ştatları deməliyik”.
O, həmçinin bildirib ki, ABŞ dəniz qüvvələri “bütün donanması ilə belə” Hörmüz boğazından keçə bilməyəcək.
İranlı deputat Vaşinqtonu “ərköyün uşaq kimi davranmaqda” da ittiham edib.
Məlumata görə, bu açıqlamalar fevralın sonlarında başlayan münaqişə ilə bağlı bir aylıq atəşkəsin pozulmasında tərəflərin bir-birini günahlandırmasından sonra İran və ABŞ qüvvələri arasında yaşanan qarşıdurma fonunda səsləndirilib.
