İranda “WhatsApp” messencerinə və “Google Play” mağazasına qoyulan qadağalar aradan qaldırılıb.
"Operativ Məlumat Mərkəzi-OMM" xəbər verir ki, bu barədə IRNA agentliyi məlumat yayıb.
Qərarın ölkənin İnformasiya Təhlükəsizliyi Ali Şurasında səs çoxluğu ilə qəbul edildiyi iddia edilir.
Qeyd edilib ki, İranda "Instagram", "Facebook", "X", "YouTube", "TikTok" və "Telegram"dan istifadə hələ də qadağandır.
“WhatsApp” və “Google Play” ölkədə 2022-ci ilin sentyabrında 22 yaşlı Məhsa Əmininin ölümünə etirazlardan sonra bloklanıb.
